Два автомобили целосно изгореле рано утрово позади гимназијата „Орце Николов“ во скопски Карпош.

Како што јавува „Скопје 1“, станарите од соседните згради слушнале звуци налик на пукање и почувствувале силен и непријатен мирис, а со брза интервенција на пожарникарите било спречено ширењe на огнот.

 

View this post on Instagram

 

A post shared by Скопје1 / Skopje1.mk (@skopje1mk)

Според информациите од МВР, запалени биле возила со гевгелиски регистерски таблици, повредени нема, а оштетен бил семафорот на улица „Орце Николов“.

-На 26.04.2026 околу 05:00 часот во СВР Скопје е пријавено дека на ул. „Орце Николов“ и ул. „Никола Тесла“ во Скопје биле опожарени две возила: патничко возило „ауди“ со гевгелиски регистарски ознаки, сопственост на К.К.(58) и патничко возило „пежо 307“ со гевгелиски регистарски ознаки, сопственост на К.К.(25). Повредени лица нема, а од пожарот бил оштетен семафор на ул.„Орце Николов“. Се преземаат мерки за расчистување на случајот – велат од МВР.

Жителите од околината изразуваат сомнеж дека пожарот можеби е подметнат, но засега нема официјална потврда за причините.

Надлежните служби извршиле увид, а полицијата треба да утврди како дошло до избувнување на пожарот.