Лука Дончиќ и Кајри Ирвинг беа најзаслужните за триумфот на Далас во НБА лигата против моментно водечката екипа во Западната конференција, Минесота, со резултат 115:108 на домашен терен.

Далас имаше предност од 60:56 на полувремето, додека во вториот дел од играта, Ирвинг имаше значаен придонес во победата на својата екипа. Ирвинг погоди многу важна тројка на помалку од три минути до крајот на мечот, а потоа во следниот напад ја украде топката од Гобер и постигна уште една тројка со која на крајот и го реши победникот.

Дончиќ го заврши мечот со 34 поени, додека Ирвинг имаше 35. Кај Маверикси двоцифрен учинок имаа и Џоунс Џуниор и Тим Хардавеј со по 12 поени, додека во составот не беше Данте Егзум.

На спротивната страна за Тимбервулвс Ентони Едвардс беше најдобар со „дабл-дабл“ од 36 поени и 10 скокови, Ентони Таунс реализираше 24 поени, додека Наз Рид запиша 15 поени и девет скокови.

НБА лига, резултати –

Орландо – Атланта 117:110, 105:105 (по 1. продолжение)
Сакраменто – Њу Орлеанс 100:133
Далас – Минесота 115:108
Денвер – Детроит 131:114
Феникс – Мемфис 115:121
Голден Стејт – Торонто 118:133
ЛА Лејкерс – ЛА Клиперс 106:103