Филигранот е уметност на создавање мини ремек-дела — обетки, ѓердани, брошови, па дури и домашни украси и религиозни предмети. Филигран е техника на изработување накит од тенка златна или сребрена жица, стара илјадници години.

Филигрански накит порано се изработувал од злато и од сребро. Превладува златната пеперутка, но и паунот, ангелот, крстот, претежно мотиви од македонскиот фолклор и традиција. Оваа техника бара големо трпение и умешност бидејќи секој детал се изработува рачно и со исклучителна прецизност.

Денес, филигранот не е само украс, туку и значаен дел од културното наследство, кој сведочи за богатата занаетчиска традиција и за раскошната естетика на минатите генерации.