После двете стартни победи од почетокот на новата сезона во Бундеслигата, Борусија Дортмунд дома изненадувачки не ја оправда фаворитската улога против Вердер Бремен.

Водеа „милионерите“ со головите на Бранд и Гереро и сите помислија дека ова ќе бидат три нови бода за составот на Терзиќ, гостите не се предадоа и на крајот дури победија.

Најпрвин намали Бјуканан во 89 минута, во 93 минута израмни Шмит, а Бурке во 95 минута го постави конечниот епилог (2:3).

Баер Леверкузен ја продолжува негативата серија на резултати, го претрпе и третиот пораз за моментно последно место на табелата без бодови.

Леверкузен сезонава ќе игра во групите на Лигата на шампионите, но од стартот на германското првенство веќе ги разочара своите навивачи откако загуби и од Хофенхајм (0:3). Во другите мечеви: Аугсбург – Мајнц 1:2, Штутгарт – Фрајбург 0:1 и Волфсбург – Шалке 0:0.