ВИДЕО: Човек си ја запали раката среде тениски меч на „Лејвер купот“ во Лондон!
Несекојдневна сцена на мечот помеѓу Стефанос Циципас (Грција) и Диего Шварцман (Аргентина) во „Лејвер купот“ во Лондон.
Започна „Лејвер купот“, тениски спектакл во Лондон, „Тимот на Европа“ оствари две победи во текот на денешниот ден.
Норвежанецот Руд со 2:1 (6:4, 5:7, 10:7) беше подобар од Американецот Сок од „Тимот на Светот“, а Гркот Циципас убедливо со 2:0 (6:2, 6:1) го совлада Шварцман од Аргентина.
Вечерва главен настан ќе биде последниот меч во професионалната кариера на Рожер Федерер, во двојки со Рафаел Надал, но пред тоа се случи неочекуван инцидент на Лејвер купот.
Според информациите, лицето сакало да покаже некаква форма на протест и во таа прилика си ја запалил раката на средината на теренот. На неговата кошула пишуваше „Крај на приватните авио-летови на Велика Британија“, како дел од протестот против употребата на приватни авиони во Обединетото Кралство, најверојатно за да се укаже на штета на природната средина.
Watch bizarre moment idiot tennis fan sets himself on fire during Laver Cup event at O2 Arena #LaverCup pic.twitter.com/Cr0AtiEZ2q
— Sun Sport (@SunSport) September 23, 2022