Фудбалерите на Борусија Дортмунд на свој терен го победија Волфсбург со 6:0, во натпреварот од 31 коло во Бундес лигата.

Домашните играчи поведоа во 14 минута со голот на Карим Адејеми, а меѓу стрелците до крајот на првото полувреме се запишаа и Себастијан Але во 28 минута и Доњел Мален во 37 минута.

Тимот од Дортмунд постигна три гола и во вториот дел, стрелци беа Џуд Белингем во 54 и 87 минута и Адејеми во 59 минута. Адејеми можеше да постигне хет-трик во 65 минута, но беше непрецизен од белата точка.

Борусија Дортмунд на три кола до крајот на сезоната се наоѓа на второто место со 64 бодови, односно има бод помалку од водечкиот Баерн Минхен. Волфсбург е седми на табелата со 46 бодови.

Во следното коло Борусија Дортмунд ја пречекува екипата Борусија Менхенгладбах, а Волфсбург на домашен терен ќе игра против Хофенхајм.