ВИДЕО – Балотели е непоправлив: Фрла петарди во соблекувалната, соиграчите шокирани
Италијанскиот интернационаец кој настапува во Турција фрли петарда во соблакувалната на неговиот клуб Адана Демирспор, па ужива во реакциите на соиграчите
Италијанскиот фудбалски интернационалец Марио Балотели е познат по својата несериозност и шегаџиство што понекогаш скапо го чини.
Најновата шега на Марио е на сметка на неговите соиграчи од турскиот клуб Адана Демирспор, со тоа што фрли петарда во соблекувалната.
Италијанскиот напаѓач за малку ќе му ја разнесе копачката на соиграчот со својата најнова шега, што убаво се гледа на видеото.
На видеото споделено на социјалните мрежи може да се види како Балотели ја пали петардата пред да ја фрли низ просторијата.
Потоа ги покрива ушите додека петардата паѓа на копачката и експлодира, шокирајќи ги неговите соиграчи.
😳🇮🇹 Mario Balotelli in the Adana Demirspor changing room! 🎆 pic.twitter.com/20Rpd9wVHv
— EuroFoot (@eurofootcom) March 6, 2024
Балотели има мерак по петарди и огномети. Тој наводно запали дел од својата куќа во октомври 2011 година, откако подметна огномет во затворен простор.
Сега на 33-годишна возраст, Балотели е со Адана Демирспор во Турција.
Поранешниот репрезентативец на Италија постигна пет гола во девет настапи оваа сезона, откако пропушти три месеци поради операција на коленото.
Неговиот тим моментно е на 10. место на табелата по 28 кола.
