ВИДЕО | Бајден: Американската демократија се соочува со невиден напад

epaselect epa08923545 US President-elect Joe Biden delivering remarks about the violence at the US Capitol is seen on a television screen in the Brady press briefing room at the White House in Washington, DC, USA, 06 January 2021. Various groups of Trump supporters have broken into the US Capitol and rioted as Congress prepares to meet and certify the results of the 2020 US Presidential election. EPA-EFE/SHAWN THEW

Новоизбраниот претседател на САД, Џо Бајден изјави дека американската демократија се соочува со невиден напад.

„Во овој час, нашата демократија е под напад без преседан. Никогаш не сме виделе такво нешто во модерната историја”, рече Бајден.

„Сцените на хаос во Капитол не ја одразуваат вистинската Америка, тие не ја претставуваат нашата вистинска природа”, додаде тој.

„Ја повикувам оваа толпа да се повлече и да дозволи демократијата да оди напред”, нагласи Бајден.

Тој додаде дека претседателот Доналд Трамп треба да се појави на националната телевизија и да побара прекин на опсадата.

Бајден планираше да одржи говор од неговата матична држава Делавер, фокусирајќи се на тоа како да ја заживее економијата и да им обезбеди финансиска помош на сопствениците на мали бизниси погодени од пандемијата на коронавирусот. Но, непосредно пред да почне да зборува, демонстрантите упаднаа во Капитол и стигнаа до салата каде што е Претставничкиот дом.

Американскиот претседател Доналд Трамп им порача на своите приврзаници кои упаднаа во зградата на американскиот Конгрес „да си одат дома”.

Бројни демонстранти ги преминаа полициските линии и упаднаа во Капитол, каде Конгресот требаше да го одобри изборот на демократот Џо Бајден за претседател. Поради немирите, седницата на Конгресот беше прекината.

„Ја знам вашата болка, знам дека сте повредени. Видовме избори што ни беа украдени”, рече Трамп во едноминутното видео споделено на социјалните мрежи.

„Но, сега треба да одите дома, мора да имаме мир, да имаме ред и закон”, рече Трамп.

Тој ги повтори своите неиздржани тврдења дека изборите биле нефер – обвинувања што ги разгореа страстите на насобраната толпа порано во текот на денот.

Лидерите на Конгресот се евакуираат од комплексот Капитол и ќе бидат придружувани од полицијата до блиската воена база Мекнер во Вашингтон, јави Си-Ен-Ен.

Претставник на федералната полиција за Си-Ен-Ен изјави дека евакуацијата е во тек.

Министерството за одбрана ја активираше целата Национална гарда во Вашингтон, откако приврзаници на претседателот Доналд Трамп го пробија полицискиот кордон и упаднаа во зградата на Конгресот на Капитол.

Џонатан Хофман, главниот портпарол на Пентагон, потврди дека Националната гарда е мобилизирана.

Најмалку три експлозивни направи биле пронајдена во близина на Капитол за време на демонстрациите на приврзаниците на американскиот претседател Доналд Трамп.  Полицијата соопшти дека тоа веќе не е закана. Повеќе полицајци се повредени, а најмалку еден е пренесен во болницата, јави Си-Ен-Ен. Дел од американските медиуми јавија дека една жена е повредено од огнено оружје.

Од 18 часот по локално време почнува полициски час во Вашингтон за кој објави градоначалничката Мјуриел Баузер.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот