ВИДЕО: Баерн поразен, станува интересна трката за врвот во германската Бундес лига
Фудбалерите на Борусија Менхенгладбах на свој терен го победија Баерн Минхен со 3:2 во натпреварот од 21 коло на германската Бундес лига и со тоа ја направија уште поинтересна борбата за титулата.
Натпреварот не започна најдобро за Баерн бидејќи Дајо Упамекано доби црвен картон во деветтата минута, а четири минути подоцна Менхенгладбах поведе со голот на Ларс Штиндл. Во 35 минута Баерн израмни преку Ерик Максим Чупо-Мотинг и на одмор се замина со резултат 1:1.
Менхенгладбах стигна победата со головите на Јонас Хофман во 55 минута и Маркус Турам во 84 минута. Баварците до крајот на мечот успеаја само да го ублажат поразот со голот на Матис Тел во 93 минута.
Баерн го претрпе вториот пораз сезонава и е моментно прв на табелата со 43 бодови, односно има само бод повеќе од Унион Берлин, кој в недела ќе го одигра својот натпревар од оваа рунда дома против Шалке. Борусија Менхенгладбах по осмата победа во првенството е осма на табелата со 29 бодови.
Во другите натпревари: Бохум – Фрајбург 0:2, Штутгарт – Келн 3:0, Волфсбург – Лајпциг 0:3.