Фудбалерите на Баерн Минхен го совладаа Ајнтрахт Франкфурт со 3:2 на домашен терен во 23 коло од најдобрата германска лига. Головите за Баерн ги постигнаа Александар Павловиќ во 16 минута, Хари Кејн во 20 и 68 минута.

Стрелци за Ајнтрахт беа Јулијан Буркарт од пенал во 77 минута и Арно Калимуендо во 86 минута.

Баерн е прв со 60 бода, девет повеќе и натпревар повеќе од второпласираната Борусија Дортмунд. Ајнтрахт е седми со 31 бод. Во следното коло, Баерн ќе гостува кај Борусија Дортмунд, додека Ајнтрахт ќе го пречека Фрајбург.

Унион Берлин го победи Баер Леверкузен со резултат 1:0 пред своите навивачи. Победничкиот гол го постигна Рами Кедира во 28 минута.

Унион Берлин е деветти со 28 бода, а Баер е шести со 39 бода. Во следното коло, Унион Берлин ќе биде домаќин на Борусија Менхенгладбах, додека Баер ќе биде домаќин на Мајнц.

Денеска се одиграа уште два натпревари од Бундеслигата: Келн – Хофенхајм 2:2 и Волфсбург – Аугсбург 2:3.