Кошаркарите на Атланта се пласираа во полуфиналето на НБА купот, откако на гостински терен го победија Њујорк со резултат 108:100.

Диандре Хантер беше најефикасен во тимот на Атланта со 24 поени, додека Треј Јанг постигна 22 поени со 11 асистенции. Џејлен Џонсон постигна 21 поен со 15 скока.

На спротивната страна за Никс како прв стрелец се истакна Џош Харт со 21 поен, осум скока и шест асистенции.

Атланта во полуфиналната фаза ќе игра против Милвоки бакс кој претходно со 114:109 триумфираше над Орландо меџик.

Во второто полуфинале ќе се сретнат екипите на Хјустон рокетс и Оклахома сити.

Хјустон со 91:90 славеше против Голден стејт, во победничките редови доминираше Алперен Сенгун со 26 поени, 11 скока и пет асистенции.

За Вориорс најрасположен беше Џонатан Куминга со 20 поени и седум скока.