ВИДЕО АНКЕТА | Скапотијата ги натера скопјани за Нова година да бидат дома
Се ближат новогодишните празници, а со нив и прашањето каде и со кого да се прослави? „Слободен печат“ ги праша граѓаните каде за Нова година? Најголем дел од нив во домашна атмосфера, велат скапотијата е виновна за тоа.
-Во домашна атмосфера, малку ќе одбележиме и така. Трпезата скромна. Цените за разлика од лани се скоро двојно поголеми- вели еден скопјанец.
Друг објаснува дека Нова година ќе ја пречека во кругот на семејството. Вели дека вообичаено на нивната трпеза има сарма, месо.
-Цените во маркетите се доста скапи, за разлика од минатите години. Сиромаштија голема- вели еден господин.
Друг објаснува дека ќе слави со пријатели, во друштво.
-Па, тоа ќе биде друштво и секој сам ќе си донесе по нешто, и така ќе биде заедничка трпеза на љубовта- вели тој.
Една госпоѓа вели дека обично патуваат, меѓутоа оваа година решиле да бидат дома и да си ги викне децата за прославата.
На прашањето дали купувавте нешто за Нова Година, во маркет или слично, велат дека е рано, се уште не купуваат.
-Ќе купуваме подароци само за блиското семејство, персонализирани, толку. Не се најевтини, не беа како што беа но, тоа е тоа, нема што да правиме друго- вели скопјанката.
Целата анкета на колешката Агнеса Чаволи погледнете ја во продолжение: