Додик во свој стил влезе во федералната зграда на претседателството во Сараево и со хармоника пееше српски националистички песни со кои на моменти и го исмејуваше актуелниот муслимански член на претседателството, Бакир Изетбеговиќ. Според тамошните медиуми кои се повикуваат на сведочење на присутните, Додик и членовите на неговата партија, кои се на позиции како федерални министри, пиеле ракија и се подбивале со федералните институции.

Додик пеел песни, обраќајќи му се лично на Бакир Изетбеговиќ, кој е син на поранешниот босански лидер Алија Изетбеговиќ, и за кого Додик сите овие години откако е на државни функции упатува жестоки критики за неговата политика.

Већ дуго се пјесме са љепшом темом нису чуле у Сарајеву.

Пролазници поред зграде Предсједништва застану да уживају у музици. pic.twitter.com/mjrMcm26Dz

— СНСД (@SNSDDodik) October 18, 2021

Однесувањето на Додик е резултат на иницијативата на федералните институции и обвинителството на Босна и Херцеговина кои формираа судски предмет против српскиот член на тројното претседателството на босанската федерација за подривање на уставниот поредок на федерацијата. Додик е обвинет дека ја бојкотира работата на претседателството, но и дека работи на отцепување на Република Српска од остатокот на федерацијата.

Самиот Додик не крие дека сака Република Српска да се отцепи и потоа да се интегрира со Србија.

Тој веќе најави формирање на своја војска и свои разузнавачки служби, што според Сараево е директно подривање на уставниот поредок на Босна и Херцеговина. Додик е обвинет и дека тесно соработува со Москва и дека е нагласено руското влијание врз Бања Лука што се коси со полтиката на Босна и Херцеговина која се залага за европски и интеграција во НАТО. Самиот Додик, пак, на неколкупати досега најави дека нема да дозволи Република Српска да влезе во алијансата и дека се залага идентично како и Србија да остане воено неутрална.

ВИДЕО: Додик продолжува да ги провоцира федералните институции – донесе хармоникаш во зградата на Претседателството на БиХ