Тимот на Светската здравствена организација на 14 јануари конечно ќе има можност да влезе во Вухан, кинески град од каде пред околу година дена започна пандемијата на Ковид 19. Цела година властите во Пекинг одбиваа да им дадат дозвола на претставниците на СЗО да дојдат на, за многумина „местото на злосторот“, местото кое се смета за жариште на пандемијата на Ковид.

Ова одбивање на Кина ги подгреа сомнежите во светот дека Пекинг нешто сака да сокрие околу појавата на коронавирусот. Постапката на комунистичкиот режим на Кина му даде дополнителен аргумент, на сега веќе американскиот претседател во заминување Доналд Трамп, кој во рамките на својата анти-кинеска политика, обвини дека Кина стои зад пандемијата и дека намерно ја предизвикала.

Од друга страна властите во Пекинг соопштија кратко дека не издавањето на дозвола за посета на Вухан е последица на недоразбирање. Останува да се види што ќе пронајдат експертите на СЗО и дали евентуалните нови сознанија за потеклото и настанакот на ковид- 19 ќе помогне во негово побрзо сузбивање.

Покрај Велика Британија и Јапонија соопшти дека регстрирала појава на таканаречена трета мутација на Ковид 19 вирусот. Јапонското Министерство за здравство соопшти дека се спроведуваат студии за ефикасноста на вакцините против новиот, трет тип, што се разликува од многу заразните варијанти на вирусот, откриени за првпат во Велика Британија и во Јужна Африка.

Според Националниот институт за заразни болести на Јапонија, во моментов нема докази дека новиот тип пронајден кај патници од Бразил е многу заразен. Поради силниот скок на новозаразени Јапонија прогласи вонредна состојба за Токио и три префектури во непосредна близина на главниот град. Во таа држава веќе има околу 289.000 заразени и 4.061 смртни случаи.

Во меѓувреме, Европа се чини дека се соочува со нов трет бран од пандемијата поради што повеќето европски држави започнаа со воведување на нови порекстрективни мерки. е сумираат досегашните мерки и нивнаа ефикасност, но и се чекаат извештаи за еветнуалните последици од имзинатите новогодишни и божиќни празници каде и покрај рестрикциите беше забележано мало олеснување на мерките и зголемена фреквенција на движење на граѓаните.

Од Лондон, држава која се соочува со третиот бран од пандемијата во која голема улога игра , таканаречениот мистериозен мутиран вид на Ковид доажаат информации дека пациентите чекаат и по девет часа во возила на брза помош за да влезат во болниците, шефот на Службата за итни случаи во Лондон, предупреди дека Брзата помош е под невиден притисок поради бројните хоспитализации за Ковид-19.

Лондонски Индепендент оваа недела објави дека стотици луѓе низ главниот град чекале со часови секој ден амбулантни возила за да дојдат по нив. Пациентите кои повикуваат брза помош се класифицирани во категорија два – лица за кои постои сомневање дека имале мозочен удар или болка во градите – и треба да добијат помош во просек 18 минути, но во некои случаи се принудени да чекаат 10 часа.

Што се однесува до регионот, изминатите 24 часа, вниманието го привлече јавно изнесениот став на Грција дека планира на туристите кои ова лето сакаат да летуваат во грчките одмаралишта да мораат да бидат имунизирани и да поседуваат Ковид пасоши.

Грчкиот министер за Туризам Харис Теохарис за медиумите изјави дека врз база на вакцината која ќе се добие во матичната држава, на граничниот премин за влез во Грција ќе бидат издавани Ковид картони во кои ќе бидат внесени податоци за лицето кое и со што е имунизиано. Сеак засега ќе се чека каква ќе биде епидемиолошката состојба во светот но и во земјите од кои ќе доаѓаат туристите, најави Грција.

Дека е се поиизвесно дека Ковид пасошите ќе бидат услов за понатамошнот движење претходно беше најавено од неколку светски авио компании кои информираа дека услов да се патува со нивните авио компании ќе биде патниците да бидат имунизирани и да поседуваат валиден Ковид пасош.