Снимки објавени на платформата „Икс“ денеска, покажуваат како колона камиони и оклопни возила напушта американска база во Сирија, додека во позадината се извиваат столбови од чад, кои наводно се од опремата што Американците не можеле да ја понесат, па ја уништиле. По цели 12 години, во арапската држава повеќе нема ниту еден американски војник, пренесе „Ал Џазира“.

BREAKING: The U.S. appears to have ended its military presence in Syria with the last convoy leaving the Qasrak base in the northeast.

Control of the area is now shifting to Syrian forces.

This effectively ends the U.S. ground presence that began in 2014. pic.twitter.com/E9mMLr7r27

— Clash Report (@clashreport) April 16, 2026

Според локални извори, контролата врз базата ја презела 60-тата дивизија на сириската армија. Процесот на повлекување од неколкуте клучни американски бази во североисточна Сирија, според извештаите, започнал уште пред неколку месеци.

Американските сили беа во Сирија од 2014 година, како дел од меѓународната коалиција против Исламската држава, а низ годините соработуваа со курдските Сириски демократски сили (СДФ) кај границата со Ирак.

По политичките промени и новите договори во Дамаск, се создадоа услови за повлекување, а дел од американските војници беа преместени во бази во Јордан и северен Ирак.

За три години 80 проценти од сириските бегалци треба да ја напуштат Германија