Вестибуларен невронитис: Кои се симптомите на оваа болест и како точно се третира

девојка
Фото: Pexels / Mikael Blomkvist

Не постои лек што го лекува ова нарушување, но со соодветни лекови може да се намалат симптомите.

Вестибуларниот невронитис е нарушување што произлегува од воспаление на вестибуларниот нерв во внатрешното уво, предизвикано од некој вирус. Главниот симптом е напад на вртоглавица проследен со повраќање, кое може да трае и до десет дена. Првиот напад е најлош, а неколку од нив може да се појават за една година. Ова нарушување поминува само од себе, а нема посебен третман, но симптомите се лекуваат.

Што предизвикува вестибуларен невронитис?

Најчеста причина за вестибуларен невронитис е воспаление на вестибуларниот нерв, кој испраќа порака од внатрешното уво до мозокот за рамнотежата и положбата на главата. Кога овој нерв е воспален, информациите за рамнотежата не се пренесуваат добро и затоа се јавува вртоглавица. Оваа состојба се јавува кај луѓе од сите возрасти. Воспалението најчесто е предизвикано од вирусни инфекции на внатрешното уво или вирусни инфекции во телото какви што се грип, сипаници, рубеола, заушки, сипаница или мононуклеоза. Во ретки случаи, виновникот за оваа состојба е бактериска инфекција.

Како да препознаете вестибуларен невронитис?

Главниот симптом на вестибуларниот невронитис е ненадејна вртоглавица и може да се појават проблеми со рамнотежата, гадење и повраќање, како и тешкотии со концентрацијата. Може да забележите и брзо движење на очите, поточно грчење кон погодената страна, што се нарекува нистагмус. Некои луѓе ќе имаат и тинитус.

Симптомите обично се појавуваат ненадејно и се најлоши при првото појавување, а подоцна стануваат поблаги. Иако оваа состојба е предизвикана од воспаление на нервот во увото, слухот не е оштетен. Симптомите обично се подобруваат по неколку дена, иако може да траат и до три недели, а нападите на вртоглавица може да се појават и до една година. Вртоглавицата значително влијае врз секојдневниот живот на човекот и врз извршувањето на секојдневните активности, па затоа е важно симптомите да бидат под контрола.

Како се лекува оваа состојба?

Кога е предизвикана од некаков вид инфекција, се лекува самата инфекција. Не постои лек што лекува вестибуларен невронитис, но одредени лекови можат да ги намалат симптомите како антиеметици, седативи или антиинфламаторни лекови. Додека трае вртоглавицата, важно е да се одмора за да се избегне повреда и дополнителна конфузија. Подобрувањето на симптомите треба да се појави по неколку денови, додека целосно закрепнување ќе следува по неколку недели до неколку месеци. Така, вестибуларниот невронитис се јавува поради воспаление на нервот во внатрешното уво кој ги пренесува информациите за рамнотежата до мозокот. Може да биде предизвикана и од други вирусни инфекции во телото. Главниот симптом е ненадеен напад на вртоглавица кој трае до неколку недели, а пациентите успешно закрепнуваат по неколку месеци.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот