-4 C
Скопје

Велосипедистите „освоија“ простор на сметка на автомобилите

Од групата посочуваат дека е потребна стандардна широчина на патеките и на лентите, а заштитните столпчиња во должина на велосипедската лента треба да се поставени со соодветна густина за да се спречи паркирање автомобили и застанување „на 5 минути”.

Постепено велосипедистите ги добиваат своите сообраќајни површини, овој пат за сметка на автомобилскиот коловоз. Ова е ставот на велосипедистите од фејсбук-групата „На точак“ по објавата на Град Скопје дека заврши реконструкцијата на коловозот на улица „Никола Карев“ кај Железничка станица и дека на неа од четирите постојни сообраќајни ленти сега се направени три со што е обезбеден простор за граѓаните кои за движење низ градот користат превоз на две тркала.

– Бидејќи просторот е ограничен, односно веќе зададен, реконструкциите подразбираат алоцирање на површините на различните типови сообраќај.

Повеќедецениската системски билдана автоцентричност, несвесно, штетно влијае на интеракцијата помеѓу различните типови сообраќај, ставајќи го секогаш на престолот автомобилот. Токму затоа овие победи на освојување сообраќаен простор од автомобилите, се особено радосни вести и оптимистички пораки за долгорочната сообраќајна стратегија на Градот – велат од „На точак“, со надеж дека не станува збор за  ситни спорадични интервенции туку за стратегија.

Прочитајте и...  „Авицена лабораторија“ со нова инвестиција за безбеден прием на пациенти и високософистициран робот за обработка на примероци за ковид-19

Како што информираат од групата, нивни членови биле на увид на новите ленти за да ја проверат функционалноста, безбедноста, вмреженоста, сигнализацијата, интеракцијата со останатите сообраќајни типови и слично, при што забележале дека сѐ уште се работи на инфраструктурата, па поради тоа потсетуваат на некои практични аспекти кои, според нив, ќе ја унапредат корисноста на велосипедското решение.

Велосипедистите укажуваат да се внимава на изведба на стандардно слеани рабници на велосипедските премини, на решавање на интеракцијата со пешаците, на свртувањата на велосипедските премини за да не предизвикаат застој на движењето на останатите велосипедисти, поврзување со постојната вело-инфраструктура, вертикална и хоризонтална сигнализација. Тие посочуваат дека е потребна стандардна широчина на патеките и лентите, а заштитните столпчиња во должина на велосипедската лента треба да се поставени со соодветна густина за да се спречи паркирање автомобили и застанување „на 5 минути”.

Прочитајте и...  ВМРО-ДПМНЕ на протест пред Влада и МНР побара оставка од премиерот Заев

– Единствено овој тип комплетна изведба на велосипедското сообраќајно решение, вистински ќе го обликува сообраќајното однесување на велосипедистите, како и на интеракцијата со останатите. Правилната инфраструктура ја моделира сообраќајната култура – тврдат од групата.

На градските власти им останува да решат дали ќе ги прифатат и применат  укажувањата и забелешките на велосипедистите на терен.

Реконструкцијата на улицата „Никола Карев“ се изведе на потегот од крстосницата со булевар „Кузман Јосифовски Питу до крстосницата со булевар „Трета Македонска Бригада“ и опфати целосна обнова на асфалтот во должина од 510 метри, направена е нивелација на сливниците и атмосферските шахти, како и замена на оштетените рабници и издвојување лента за велосипедистите на коловозот. Во тек е целосната репарација на тротоарите.

Прочитајте и...  Турција и Русија ќе го следат и контролираат спроведувањето на примирјето во Нагорно-Карабах

Објавата на Град Скопје за изведбата на простор за велосипедистите предизвика многу позитивни реакции на социјалните мрежи, но имаше и такви кои не се согласуваат со намалувањето на коловозните ленти наменети за автомобилите и кои сметаат дека тоа ќе предизвика проблеми во непреченото одвивање на сообраќајот.

Поврзани вести

Поповски: Билатералните спорови треба да останат надвор од процесот на преговори

ВИДЕО: Во инцидентот во Трир четири жртви и 15 повредени, возачот уапсен

Слободен печат

Јан Коп: Прашањето не е дали ќе има меѓувладина конференција, туку кога?

Слободен печат

Бучковски: Нити сум нечиј ас скриен во ракавот, ниту сум пак нечиј џокер

Слободен печат

Полјаците го исклучија на градското светло, револтирани од политиките на премиерот Моравиецки

Дамјан Варошлија

Пандемијата продолжува да го ниша здравствениот систем во земјава

Остави Коментар