По првото полуфинале на Евровизискиот натпревар, сè е подготвено за вечервашното ново натпреварувачко шоу. Учествуваат претставници од 15 земји, а на крајот од вечерта ќе биде објавена комплетната листа на најдобрите учесници во финалниот натпревар на 16 мај.

Во вечервашната, втората полуфинална вечер, учествуваат: Бугарија, Азербејџан, Романија, Луксембург, Чешка, Ерменија, Швајцарија, Кипар, Латвија, Данска, Австралија, Украина, Албанија, Малта и Норвешка.

Ред на изведба:

1. Бугарија – ДАРА, „ Bangaranga“

2. Азербејџан – ЏИВА, „Just Go“

3. Романија – Александра Капитанеску, „Choke Me“

4. Луксембург – Ева Марија, „Mother Nature“

5. Чешка – Даниел Жижка, „CROSSROADS“

6. Ерменија – SIMÓN, „ Paloma Rumba“

7. Швајцарија – Вероника Фусаро „ Alice“

8. Кипар – Антигони, „JALLA“

9. Латвија – Атвара, „Ēnā“

10. Данска – Сорен Торпегард Лунд, „Før Vi Går Hjem“

11. Австралија – Делта Гудрем, „Eclipse“

12. Украина – ЛЕЛЕКА, „Ridnym“

13. Албанија – Алис, „Nân“

14. Малта – АИДАН, „Bella“

15. Норвешка – ЈОНАС ЛОВВ, „YA YA YA“

„Големите 4“ и домаќинот исто така гласаат и настапуваат: Франција – Монро, „Regarde!“ , Австрија (домаќин на финалето) – КОСМО, „Tanzschein“ и Велика Британија – „Лук мам ноу компјутер“, „Eins, Zwei, Drei“.

Додека Германија и Италија настапија и гласаа во првото полуфинале, Австрија, Франција и Велика Бриатнија ќе го сторат тоа вечерва.

Се очекува второто полуфинале (иако организаторите дел од програмата го чуваат во тајност) да го отвори победничката песна на Џеј Џеј од минатогодишниот Евровизиски натпревар – „Wasted Love“, како и дека во текот на вечерта тој ќе ја претстави својата нова песна пред гледачите и слушателите.

Секоја земја учесничка дава два независни сета поени: експертско жири и публика (теле-гласање + онлајн гласање). И двете се додаваат на конечниот резултат.

Специфичните системи за гласање што се користат во натпреварот се менувале со текот на годините, но добро познатиот формат на доделување поени од 1 до 8, потоа 10 и конечно 12  е во сила од 1975 година.

Како што известуваат организаторите на официјалниот портал на Евровизија, eurovision.com, без оглед на методот на гласање што се користи – жири, телефон или СМС, земјите не можат да гласаат за своите песни или претставници. Можете да гласате максимум 10 пати.

Земјите учеснички ќе ги добијат точните броеви што ги носат учесниците и информации за времето во кое можат да гласаат на екраните за време на емитувањето. За оние од остатокот од светот, гласањето е можно на www.esc.vote. За гласачите од земјите учеснички, за време на полуфиналето, гласањето се отвора откако ќе се изведе последната песна и ќе трае малку помалку од 20 минути. Можете да гласате само во полуфиналето во кое учествува вашата земја. Германија и Италија можат да гласаат во првото полуфинале. Австрија, Франција и Велика Британија можат да гласаат во другото полуфинале.

Во големото финале, гласањето ќе се отвори непосредно пред изведбата на првата песна. Ќе остане отворено за време на сите настапи и приближно 40 минути по изведбата на последната песна.

Заврши првото полуфинале на Евровизија — Србија и Хрватска се пласираа во финалето