Вардар убедливо славеше во контролниот меч со Тетекс
Додека траат репрезентативните обврски, клубовите го користат периодот за одигрување на пријателски натпревари пред да продолжи сезоната.
Фудбалерите на Вардар во контролен меч денеска убедливо со резултат 3:0 го совладаа составот на Тетекс.
Стрелци на головите за скопските „црвено-црни“ на стадионот „Борис Трајковски“ беа Омерагиќ (16`), Глишиќ (32`) и Биљали (48`).
На последниот прволигашки меч против тетовска Шкендија играчите на Александар Васоски загубија со 0:2.
Во следното коло Вардар, кој моментно е на последната 12 позиција во шампионатот, ја очекува скопска пресметка против седмопласираниот Работнички на 22 октомври.
Од друга страна, Тетекс се обидува да се врати во елитата, моментно по осум кола во Втората лига има 13 бодови на шестата позиција. На последните четири дуели има учинок од три победи и едно реми, а во следното коло на 21 октомври ќе му гостува Вардар Неготино.