ВАДА истовремено им даде насоки на своите контролори како безбедно да се земаат примероците за тестирање. Во тие насоки се наведува дека спортистите и контролорите мора да обезбедат соодветна заштита како и интегритет на програмата на тестирање бидејќи се наближуваат Олимписките и Параолимписките игри во Токио.

На контролорите им е најгласено дека не смеат да имаат симптоми на Ковид-10.

„ Доколку вработениот во ВАДА е позитивен на Ковид-19, веднаш мора да ги извести сите спортисти со кои бил во контакт, а истото важи и за спортистите. За време на контролите, задолжително мора да се носат заштитни маски.

Во реоните каде пандемијата го прави тестирањето далеку покомпликувано, антидопинг агенциите мора да се фокусираат на оние спортисти кои се натпреваруваат во најризичните спортови и дисциплини.

Во земјите во кои тестирањето не е возможно, националните организации и федерации мораат да соработуваат со ВАДА кога состојбата ќе се врати во нормала“, стои во соопштението на ВАДА.