Ужас: Хуманитарна помош усмрти пет Палестинци, не се отвориле падобраните од пакетите исфрлени од авионите
Пет Палестинци го загубија животот денеска во Појасот Газа кога врз нив паднаа пакети со помош од САД, откако падобраните на кои биле поставени не се отвориле, објави британскиот весник „Телеграф“.
Светските агенции јавија дека повредени се 10 лица.
Very sad news that 5 Palestinians have died during the american aid drops:https://t.co/HLkTSpRXcF
— I had a dream (@Ctaali80) March 8, 2024
На снимката објавена на социјалните мрежи се гледа како неколку пакети паѓаат со екстремно голема брзина на земја, исфрлени од транспортен авион.
Во текот на изминатата недела, американската војска, во координација со Јордан, Египет и Франција, испорача над 70.000 оброци со храна во Појасот Газа.
Претходно денеска, британскиот министер за надворешни работи Дејвид Камерон рече дека Обединетото Кралство ќе работи во соработка со САД за отворање на поморски коридор преку кој помошта за енклавата би можела да се доставува директно по море.
Претставниците на хуманитарните организации со месеци предупредуваат дека претстои глад во Газа поради недостигот на храна предизвикан поради затворањето на границите, забележува британскиот весник.