Утре и задутре времен режим на сообраќај на улицата Даме Груев
ЈП „Улици и патишта“ информира дека на утре и во сабота на улицата Даме Груев во насока од крстосницата со улица Димитрие Чуповски до улица Македонија ќе биде воведен времен режим на сообраќај во периодот од 8 до 15 часот поради изведба на градежни активности за реконструкција на коловозот, односно машинско гребење на оштетениот асфалт на улицата Даме Груев.
Времениот режим ќе биде обележан со соодветна сигнализација, а поради изведба на градежните активности ќе бидат затворени двете коловозни ленти.
ЈП „Улици и патишта“ апелира до сите учесници во сообраќајот да бидат внимателни и да ја прилагодат својата брзина на движење според условите на патот.
Во текот на градежните работи на овој дел од улицата Даме Груев покрај коловозот на површина од 3.250 квадратни метри, се реконструираат и пешачките патеки, нивелираат шахтите и сливниците, а планирана е велосипедска патека и уредување на зеленилото долж целата сообраќајница.