Селекторот на фудбалската репрезентација на Белгија, Роберто Мартинез ја отфрли можноста да седне на клупата на Барселона.

По ремито со Гранада, стана јасно дека прашање на време е кога Роналд Куман ќе добие отказ на клупата на Барселона бидејќи претседателот Жоан Лапорта веќе ја започна потрагата по неговиот наследник.

Но, пронаоѓањето на замена не е оди лесно, вчера Лапорта остана со две опции помалку, а денеска уште еден од потенцијалните наследници на Куман јавно објави дека не е заинересиран да седне на клупата на Барселона.

Вчера од трката отпаднаа Андреа Пирло и Ерик тен Хаг, а денеска Роберто Мартинез самиот се „отпиша“.

Куман е во добитна позиција, Барселона ќе му исплати милиони евра доколку го отпушти или не му го продолжи договорот

– Како што претпоставувате, немам што да кажам. Тоа се гласини, секогаш ги има и тоа е нормално во фудбалот. Кога ќе загубите три натпревари се појавуваат гласини дека ќе ја загубите работата. Исто е и кога ви оди добро и постигнувате добри резултати, но во овој момент немам коментар – изјави Мартинез.

Преостанати имиња со кои шпекулираат медиумите дека ќе бидат наследници на Куман се Чави Ернандез и Антонио Конте. 

Барселона сезонава во Ла Лига има скор од две победи и две ремија за осмо место на табелата, но има и два натпревари помалку од лидерот Атлетико Мадрид.