Македонската таеквондистка Ведрана Тунеcки освои бронзен медал на силниот Г2 турнир Бугарија Опен за пионери.  Со три убедливи победи, таа обезбеди место на пиедесталот и нов голем успех за македонското таеквондо.

Тунески, која е член на Таеквондо Бутел, настапи во категоријата до 51 килограм и уште еднаш потврди дека е меѓу најперспективните натпреварувачки. Таа веќе е носител на европски пионерски бронзен медал во олимписко таеквондо, а со овој резултат го надгради својот успех и на меѓународна сцена.

На патот до бронзата Ведрана оствари три сигурни победи. Во првото коло ја совлада Украинката Балич Анастасија со 2-0, потоа беше подобра од Гркинката Јоаниду Марија исто така со 2-0, а во третата борба славеше и против Андреу Марија од Грција со идентичен резултат.

Во полуфиналето се соочи со Ирката Меистининкаите Лука, каде беше поразена со 0-2, што значеше и освојување на бронзениот медал.