Украина почна да користи касетна муниција, која и беше доставена од САД, против руските сили на југоистокот на земјата, објави денеска „Вашингтон пост“, повикувајќи се на неименувани украински претставници.

Според американскиот весник, украинската армија користи касетна муниција против добро утврдените позиции на руската армија, поради што е прекината летната контраофанзива.

Украинскиот полковник Олександр Бакулин оваа недела изјави дека на Киев му е потребна касетна муниција за да „нанесе максимална штета на непријателската пешадија“.

Во меѓувреме САД потврдија дека им дале касетни бомби на украинската војска,

Касетната муниција испорачана од САД е во рацете на Украина и распоредена на терен.

Добивме некои првични повратни информации од Украинците и тие ја користат доста ефикасно“, изјави денеска портпаролот на Белата куќа за национална безбедност, Џон Кирби.

Употребата на касетни бомби е забранета во повеќе од 100 земји според Конвенцијата за касетна муниција. Меѓутоа, Украина, Русија и САД не се потписници на Конвенцијата.