Врховната рада на Украина го поддржа назначувањето на Михаил Федоров за нов министер за одбрана на земјата, објави пратеникот Јарослав Железњак на Телеграм, пренесуваат украинските медиуми.

Според него, Федоров добил поддршка од 277 пратеници, со што официјално ја презел функцијата. Тој е четвртиот министер за одбрана на Украина од почетокот на вооружениот конфликт.

Назначувањето на Федоров следеше по разрешувањето од страна на украинскиот парламент на претходниот министер за одбрана, Денис Шмигал. Шмигал поднесе оставка во петок, 9 јануари.

Промените на врвот на министерството за одбрана доаѓаат во време на континуирани интензивни борбени операции и во услови на зголемен домашен и надворешен политички притисок врз раководството во Киев.