Двајца тетовчани Б.З.(65) и И.Р.(67) денеска околу 05:30 часот во Тетово, биле уапсени откако по контрола на нивните возила „голф“, биле пронајдени и одземени поголема количина филтри за цигари, цигари, дробен тутун и слично.

„При контрола на патничко возило „фолксваген голф” со тетовски регистарски таблички, кое го управувал Б.З., биле пронајдени и одземени 13 кутии со филтри за цигари, 129 штеки разновидни цигари, 14,5 килограми дробен тутун, машинки за полнење на цигари и СИМ картички. Додека, пак при контрола на патничко возило „фолксваген голф” со тетовски регистарски ознаки, управувано од И.Р., биле пронајдени и одземени 58 штеки разновидни цигари, 12,5 килограми дробен тутун, машинки за правење цигари, сим картички, табакери и 19 кутии со филтри за цигари“, велат од полицијата.

Оттаму додаваат дека двајцата биле задржани во полициска станица и по целосно документирање на случаите, против лицата ќе бидат поднесени пријави.