Твитер најави дека ќе ги отстрани налозите кои се создадени исклучиво со цел да се промовираат други социјални платформи и содржини што содржат линкови или кориснички имиња.

Овој чекор ќе се однесува на содржините од социјалните платформи како Мета – Фејсбук и Инстаграм платформите, како и Mastodon, Truth Social, Tribel, Nostr и Post, а сепак ќе дозволува објавување со поврзување содржини од која било друга социјална мрежа, пренесува Ројтерс.

Како што објави поддршката на тој социјален медиум на Твитер, видео платформата ТикТок е изземена од оваа мерка.

-Сè уште дозволуваме вкрстено објавување содржини од која било платформа за социјални медиуми. Објавувањето врски или кориснички имиња на платформи за социјални медиуми кои не се наведени погоре, исто така, не ја прекршуваат оваа политика.

We still allow cross-posting content from any social media platform. Posting links or usernames to social media platforms not listed above are also not in violation of this policy.

— Twitter Support (@TwitterSupport) December 18, 2022

Минатата недела Твитер го распушти Советот за доверба и безбедност, волонтерска група формирана во 2016 година за да ја советува социјалната платформа.

Промената на политиката следи по другите хаотични акции на Твитер откако Илон Макс, кој е и извршен директор на Тесла, ја купи социјалната мрежа. Тој го отпушти целиот менаџерски тим, како и околу половина од вработените, додека размислуваше колку да наплати за претплатата на услугата Blue на Твитер.

Маск исто така ги суспендираше сметките на неколку новинари поради контроверзите околу објавувањето на јавни информации за неговиот авион.

Тој ги врати нивните сметки по критиките од владини претставници, борци за човекови права и новинарски организации од повеќе делови на светот, а некои дури изјавија дека Твитер ја загрозува слободата на медиумите.