Турција ја претстави својата прва хиперсонична ракета „Тајфун Блок-4“ во вторник, додека одбранбениот гигант „Рокетсан“ претстави шест нови напредни системи на меѓународниот саем за одбрана IDEF 2025 во Истанбул, објави „Анадолу“.

Балистичката ракета „Тајфун Блок-4“ е хиперсонична верзија на ракетата „Тајфун“, балистичката ракета со најдолг дострел произведена дома во Турција.

„Тајфунот Блок-4 постигнува долги дострели, поставувајќи уште еден рекорд за турската одбранбена индустрија. Со тежина од над седум тони, оваа нова верзија на Тајфунот, со својата повеќенаменска боева глава, ќе биде способна да уништи бројни стратешки цели, како што се системи за воздушна одбрана, командни и контролни центри, воени хангари и критични воени објекти, од поголема далечина“, се вели во соопштението на Рокетсан.