Тричковски и АЕК Ларнака против Вест хем во Лигата на конференции
Со жрепка во Нион се дознаа осминафиналните парови во Лигата на конференции, АЕК Ларнака од Кипар на поранешниот македонски репрезентативец Иван Тричковски ќе има англиски предизвик, Вест хем.
АЕК Ларнака ќе биде домаќин на првиот натпревар кој ќе се игра на 9 март, а реваншот е една недела подоцна во Лондон.
Лацио за противник го доби холандскиот АЗ Алкмаар, додека Базел кој го елиминираше Трабзонспор на Енис Барди ќе ги одмери силите со Слован Братислава од Словачка.
Round of 16 set ✅
Which tie are you looking forward to most? 😍#UECLdraw || #UECL pic.twitter.com/MiJsSlIlEr
— UEFA Europa Conference League (@europacnfleague) February 24, 2023
Се очекува да биде интересно и во двомечот Андерлехт – Виљареал, додека молдавскиот Шериф Тираспол ќе се соочи со француската Ница.
Потсетување дека финалето сезонава во Лигата на конференции ќе се игра на 7 јуни во Прага.
Лига на конференции 2022/2023
Осминафинале, двојки
АЕК Ларнака – Вест хем
Фиорентина – Сиваспор
Лацио – АЗ Алкмаар
Лех Познањ – Дјургарден
Базел – Слован Братислава
Шериф Тираспол – Ница
Андерлехт – Виљареал
Гент – Истанбул Башакшехир
