Заврши европската сезона за македонскиот репрезентативец, Енис Барди откако вечерва неговиот Трабзонспор не успеа да ја сочува предноста од 1:0 од првиот натпревар и на гости кај Базел беше поразен со 0:2.

Има за што да жали Трабзон затоа што во 27-тата минута не реализираа пенал за изедначување, Базел претходно дојде до водство со голот на Амдоуни. Освен промашениот пенал, еден гол на турскиот гигант беше поништен по прегледувањето на ВАР. На крајот стигна казната со голот на Заќири во судиското продолжение.

Барди ги одигра последните десет минути од средбата.

Иван Тричковски, пак, со својата АЕК Ларнака ќе игра во осминафиналето откако ремизираше без голови на гостувањето против Дњипро. Сето тоа доволно за пласман понатаму по победата од 1-0 на првиот натпревар во Ларнака. Тричковски, за разлика од првата средба на Кипар, сега остана на клупата за резервни фудбалери кај АЕК.

Останати резултати:

Клуж – Лацио 0:0 (0:1)

Андерлехт – Лудогорец 3:1 (0:1) продолженија

Партизан – Шериф Тираспол 1:3 (1:0).

Лех – Бодо/Глимт 1:0 (0:0)

Фиорентина – Брага 3:2 (4:0)