Три „убавици“ на Меси и магичната „пета“ на Луис Суарез! (ВИДЕО)
Во последниот натпревар од саботната програма во најквалитетното шпанско фудбалско првенство Барселона на својот „Камп Ноу“ со 5:2 ја совлада Мајорка.
Сите дилеми околу победникот беа познати уште после првото полувреме кога каталонскиот гигант постигна дури четири голови.
Гол-серијата ја започна Гризман во седмата минута од средбата, а асистент беше голманот Тер Штеген. Французинот им избега на дефанзивците и со еден убав потег го „матираше“ Реина.
Во 17. минута францускиот репрезентативец беше во улога на асистент, а Лионел Меси со својата лева нога упати еден „проектил“ за зголемување на предноста.
Кај гостите во чии редови уште еднаш не настапи Александар Трајковски поради повреда намали Будимир, но Меси повторно „распали“ со левата нога за уште една негова мајсторија на мечот.
Too cute ?❤️ pic.twitter.com/EiRD1wsD7s
— FC Barcelona (@FCBarcelona) December 7, 2019
Yesterday by air. Today by land. @LuisSuarez9 pic.twitter.com/IEYiEfkQbA
— FC Barcelona (@FCBarcelona) December 7, 2019
Во 43. минута видовме уште едно ремек дело со „пета“ од страна на уругвајскиот интернационалец, погодок кој што уште долго ќе се гледа.
Во 64. минута кога хрватскиот интернационалец Будимир и по вторпат се запиша во листата на стрелците, додека Меси по додавањето на Суарез го комплетираше хет-трикот.
Барса повторно е на првото место на табелата во шампионатот со 34 бодови (41:18) колку што има и Реал Мадрид на втората позиција (32:11).
