Реал Мадрид славеше со 2:0 во рамките од 16. коло во шпанската „Ла Лига“ на својот „Сантјаго Бернабеу“ против екипата на Еспањол.

Домаќините стекнаа предност во 37. минута Карим Бензема му асистираше на Варан, а овој од непосредна близина ја затресе мрежата на Лопез.

Еспањол во понатамошниот дел од средбата имаше неколку солидни шанси за израмнување, но мрежата на „кралскиот“ клуб мируваше.

Мечот беше решен во 79. минута, Валверде кој досега има одлична сезона, во прав момент го пронајде Бензема на кој не му беше тешко да ја смести топката во гостинската мрежа.

? FP: @RealMadrid 2-0 @RCDEspanyol
⚽ @raphaelvarane 37', @Benzema 79'#Emirates | #RMLiga pic.twitter.com/W3QbLVjHyZ

— Real Madrid C.F.⚽ (@realmadrid) December 7, 2019

Треба да се напомене и дека од 83. минута Реал играше без еден играч на теренот, поради два жолти картони на Менди.

Но, и покрај тој хендикеп мадридскиот гигант се искачи на првото место на табелата со 34 бодови, пред Барселона (31) која својот меч ќе го има вечерва против Мајорка на нашиот Александар Трајковски.

Ла Лига, 16. коло

Сабота –

Реал Мадрид-Еспањол 2:0
16.00 часот Гранада-Алавес
18.30 часот Леванте-Валенсија
21.00 часот Барселона-Мајорка

Табела:

1.Реал Мадрид 34 бодови
2.Барселона 31
3.Севиља 30
4.Реал Сосиедад 26
5.Атлетик Билбао 26
6.Атлетико Мадрид 26
—