Тренерот на МЗТ Скопје Аеродром, Атанасов: Покажавме дека можеме да играме добра кошарка
Прва победа за МЗТ Скопје Аеродром во вториот меч сезонава во АБА 2 лигата, откако на средбата во Суботица во македонскиот дуел беа подобри од големиот домашен ривал Пелистер (91:78).
По стартниот пораз од Цедевита (79:92), тренерот на МЗТ, Васко Атанасов беше задоволен од перформансите на неговите играчи.
– Еден добар натпревар за нас, пред сè офанзивен. И еден добар меч за нас, бидејќи игравме еден од нашите најдобри играчи, Марко Баковиќ. Екипата сè созема после таа повреда и после првиот пораз на „балонот“ и денеска покажавме дека можеме да играме добра кошарка – рече Атанасов по завршувањето на мечот.
Следниот турнир од ова регионално натпреварување ќе се игра на Златибор (Србија) за точно еден месец, каде што МЗТ ќе ги одмери силите со Хелиос, Сутјеска и Борац Бања Лука.
За пет дена во шампионатот МЗТ ќе има нов дуел против битолски Пелистер.