Републиканецот Доналд Трамп ја победи демократската кандидатка Камала Харис во сојузната држава Невада, каде што освои шест електорски гласови, објави агенцијата АП, пренесува Танјуг.

Трамп сега има вкупно 301 електорски глас, додека Харис има 226 и има освоено шест од седумте сојузни држави досега. Останува само да се пребројат гласовите во Аризона.

Тој освои 50,7 отсто од гласовите во Невада, а Камала Харис 47,4 отсто, наведува американскиот портал Политико, додавајќи дека ова е прва победа на претседателски кандидат од Републиканската партија во Невада од 2004 година.