Американскиот претседател Доналд Трамп доби покана да ја посети Русија уште во Енкориџ, изјави денес за агенцијата ТАСС заменик-министерот за надворешни работи на Русија Сергеј Рјабков.

Секако, до претседателот Трамп е упатена покана да ја посети Руската Федерација во Енкориџ, рече дипломатот, коментирајќи го предлогот на рускиот претседател Владимир Путин по средбата на Алјаск,а следната средба да се одржи во Москва.

Рјабков додаде дека оваа идеја оттогаш нема никаков развој.

Како и со другите места на контакт меѓу претседателите на Русија и САД, нашиот став е цврст: прво содржината, а потоа договорот за местото на одржување средба, рече заменик-министерот за надворешни работи на Руската Федерација.