Американските медиуми се посебно лути на Ѓоковиќ бидејќи со позитивните тестови на ковид-19 на самиот српски тенисер, Борна Чориќ, Григор Димитров, се загрозува и одржувањето на УС Опен, а ЕСПН сакаше да добие мислење за актуелната состојба во тенисот и од поранешниот тренер на Рафаел Надал, неговиот вујко Тони кој застана зад Ѓоковиќ.

– Во Србија мерките против коорнавирусот не беа толку строги како што беа во останатите земји и тие се однесуваа во склад со таквите препораки. Навистина е штета, намерата им беше добра, да се игра тенис. Но, во таква ситација кога има многу проблеми, а вие сте прв светски тенисер подобро е да бидете повнимателни – вели Тони Надал.

Вујкото на Рафаел Надал застана во одбрана на Ѓоковиќ кога станува збор за календарот на АТП и форсирањето УС Опен да се одржи по секоја цена.

– Се слушнав со Рафа, тој се двоуми дали да настапи на УС Опен. Ми рече дека календарот и збиен и се пожали на АТП бидејќи календарот е пренапорен, посебно за големата тројка. Доколку гледате дека Роќер, Рафаел и Новик со години му помагаат на тенисот, тогаш мислам дека треба да се стори нешто со календарот и тој да биде и во нивна корист. Играте секоја недела, па за еден месец треба играте на УС Опен, во Рим, Париз, Мадрид и Ролан Гарос – тоа е неизводливо.

Од друга страна, поранешниот тренер на Ѓоковиќ, Борис Бекер е лут на медиумите во Англија кои го имаат на удар српскиот тенисер.

– Морам да го бранам Новак, мислам дека критиките кои ги добива се неправедни. Причината поради која сите тенисери се појавија на „Адриа тур“ е добра, но забавата во ноќните клубови и играњето кошарка не беа потребни. И јас бев млад и кога ќе ги видев пријателите како уживаат сакав да бидам и јас со ниц. Се надевам дека сите тенисери ќе оздрават и многу брзо ќе му се вратат на тенисот – рече Бекер.