Тежок удар за Наполи и Белгија: Лукаку ќе го пропушти мечот против Македонија!
Напаѓачот на Наполи, Ромелу Лукаку, заработи сериозна повреда во победата од 2-1 над Олимпијакос, објави официјалната веб-страница на клубот.
Препорачано
32-годишниот белгиски репрезентативец има сериозна повреда бутниот мускул на левата нога и ќе биде подложен на операција, покажаа медицинските тестови.
Италијанскиот клуб воедно објави дека Лукако веќе ја започнал својата програма за рехабилитација и ќе се подложи и на хируршки консултации.
Клубот од Неапол, кој не даде потенцијален временски рок за отсуството на Лукаку, ја започнува одбраната на титулата во Серија А против Сасуоло во сабота.
Според новинарот Џанлука Ди Марцио, Лукаку ќе биде надвор од терените најмалку три месеци. Ова ќе го принуди Наполи да бара замена на трансфер пазарот. Белгиецот постигна 14 гола и имаше 10 асистенции во 36 натпревари во Серија А минатата сезона.
Воедно ова е и удар за белгиската репрезентација која преку квалификациите оваа година брка пласман на Светското првенство 2026. Белгија е и наш противник во квалификациската група, потсетување, во јуни во Скопје ремизиравме 1:1, а следниот меч е на 10 октомври во Брисел.
Bollettino medico | Le condizioni di Lukaku 👇https://t.co/zRirRhNjmR
— Official SSC Napoli (@sscnapoli) August 18, 2025
