Поранешниот албански специјалец, Ерзен Ука, кој бил дел од албанската специјална армиска единица „Командоси“, на судијата во Албанија му рече дека не го признава албанскиот суд, туку само Алах.

Тој е обвинет за „радикални тенденции“ . На рочиштето на кое се утврдуваше дали да му се додели мерка притвор, тој се закани на судијата и обвинителот дека ќе положат сметка кога тој ќе излезе од затвор и дека нема да поминат лесно.

Ерзен Ука служел во Ирак и Авганистан во 2011 година а по двегодишно следење вчера бил уапсен од страна на Антитерористичката канцеларија и Државната полиција на Албанија.

Обвинет е дека поттикнувал омраза со цел извршување на терористички акции и дека обучувал деца за учество во Исламската Држава. На неговиот Фејсбук профил тој објавувал и споделувал видеа и фотографии кои што промовираат терористички активности.