Тен Хег е подготвен следното лето да се раздели со голем број на играчи на Јунајтед
Менаџерот на Манчестер Јунајтед, Ерик тен Хаг е подготвен да се раздели со голем број играчи на лето. Според холандскиот стратег, ова ќе биде следниот чекор во развојниот проект на „црвените ѓаволи“.
Манчестер јунајтед загуби со 2:0 од Њукасл, со што падна на четвртото место, а доколку Тотенхем освои бодови против Евертон може и да падне од Топ 4.
На списокот на играчи кои би можеле да заминат во следниот преоден рок се Алекс Телес, Ентони Марсијал, Хари Мегваер и Дин Хендерсон.
Исто така, Тен Хег веќе го губи трпението со Џејдoн Санчо, кој долго време е надвор од терените и продолжува да се бори за да дојде до форма.
Санчо влезе како замена против Њукасл, но не успеа да влијае на играта, а доколку продолжи со слабата игра, холандскиот стручњак би можел да се раздели и со него на лето.