Српскиот фудбалски стратег Милорад Косановиќ почина денеска, на денот кога го славеше својот 75. роденден, по кратко боледување.

Косановиќ е роден на 4 јануари 1951 година во Шидски Бановци, а првите фудбалски чекори ги направил во Борово. Во 1971 година заминал во Шведска, каде што со Малме освои три трофеи и остави значаен траг. Во текот на играчката кариера настапуваше и за Пролетер од Зрењанин, Војводина и Нови Сад, каде што во 1983 година ги „закачи копачките“.

Тренерската приказна ја започна токму во Војводина, клуб кој го водеше во периодот од 1992 до 1995 година. Подоцна, во два наврати (1997–1998 и 2007 година), беше на клупата на Црвена Звезда. Во својата богата кариера работеше и во земјата и во странство, менувајќи бројни средини, а последниот ангажман го имаше во Лучани во 2023 година.