Секретарот на Алијансата за Албанците, Арбен Таравари, за Фокус изрази надеж дека ако неговата партија се договори за коалиција на претстојните предвремени парламентарни избори со БЕСА, тоа би значело и ослободување од ДУИ.

– Што се однесува до албанскиот политички блок, се надевам на долгоочекуваното ослободување од ДУИ. Па, како можеме да зборуваме за напредок и промени кон добро кога 18 години живееме во еднопартиски систем, во кој корупцијата, пресметките, калкулантството и реваншизмот биле главните „адути“ на располагање? – вели Таравари.

Таравари не исклучи ниту соработка со некоја од поголемите македонски партии во иднина,а според него идеален партнер во иднината влада тој што ќе покаже дека државните интереси му се над се.