Тахири: Тешко е ЕУ да воведе санкции, а уште потешко е да ги укине
Членот на Претседателството на Демократскиот сојуз на Косово, Џафер Тахири, вели дека санкциите на ЕУ се неправедни, бидејќи ги засегаат граѓаните кои, како што наведе, масовно не ја поддржуваат актуелната власт, пренесува Фронт онлајн.
„Не сите граѓани се согласуваат со политиката на Албин Курти на конфликт со Западот, но воведувањето санкции е многу сложен процес, а нивното укинување е уште посложено“, рече Тахири.
Според него, укинувањето на санкциите на ЕУ бара посветеност.
„Укинувањето на санкциите бара голема посветеност затоа што меѓународните партнери се сериозни организации, тие се однесуваат сериозно, тешко е да се воведат санкции, но уште потешко е да се укинат. Се чини дека Владата на Косово не разбира колку е важно одговорното однесување на меѓународната сцена, а одговорното однесување значи дека акциите се координирани и синхронизирани“, додаде Тахири.