Тагува фудбалскиот свет: Почина Герд Милер, легендата на Баерн
Почина Герд Милер, легендата на германскиот фудбал. Тоа го објави денеска Баерн Минхен на своите социјални мрежи.
– Денеска целиот свет на Баерн стои во место. Најуспешниот германски клуб и неговата база на навивачи жалат за Герд Милер, кој почина во неделата рано наутро. Имаше 75 години – објави Баерн.
Герд Милер влезе во историјата на германскиот фудбал, постигна неверојатни 566 голови на 607 натпревари ФК Баерн и постави невиден рекорд од 365 голови во Бундеслигата.
– Денеска е тажен ден, црн ден за Баерн и за сите фанови. Герд Милер беше најдобриот напаѓач кој некогаш играл, човек, личност во светскиот фудбал. Без него, Баерн не би бил ваков клуб. Ќе останат неговото име и сеќавање на него засекогаш – рече претседателот на Баерн, Хуберт Хајнер.
Исто така седумпати ја освојуваше титулата најдобар стрелец. За германската репрезентација постигна 68 голови во 62 настапи.
Der FC Bayern trauert um Gerd Müller.
Heute steht die Welt des FC Bayern still. Der deutsche Rekordmeister und seine gesamte Fangemeinde trauern um Gerd Müller, der am frühen Sonntagmorgen im Alter von 75 Jahren gestorben ist.
— FC Bayern München (@FCBayern) August 15, 2021
Со репрезентацијата беше светски шампион во 1974 година и европски во 1972 година, а трипати првак на Европа со Баерн.
Нема да се заборави и неговиот победнички гол за Германија во финалето на Мундијалот против Холандија во Минхен (2:1).