Кристофер Мартин, касиер од продавницата во која беше Џорџ Флојд пред полицаецот Дерек Шовин да му нанесе смртоносни повреди, денеска на судењето рекол дека настраданиот делувал „издрогирано“, но бил во состојба да комуницира.

Неколку сведоци, меѓу кои и деветгодишно дете, претходните два дена му опишуваа на судијата каков шок било тоа за нив, кога го гледале Флојд како умира под коленото на Шовин.

Поротата денеска ја гледала видео снимката на која расположениот Флојд е во продавницата неколку минути пред да заврши под коленото на полицаецот Шовин.

Инаку, видео снимката од 25 мај 2020 година предизвика масовни протести ширум САД.

Шовин доби отказ од полицијата еден ден откако беше објавена снимката на која се гледа како со колено го притиска вратот на несреќниот Флојд, кој бил врзан со лисици, а осомничениот полицаец пред поротата  и судијата рекол дека не е виновен за убиство, пренесе Ројтерс.