Фудбалерите на Струга Трим Лум со две победи ја почнаа сезоната, а сакаат да продолжи во ист ритам и против Работнички пред своите гледачи, на отворањето на третото коло од Прва македонска лига. Нов тренер, нова мотивација во струшкиот тим, нова свежина и тоа засега носи резултат.

Стружани имаат неколку нови имиња во тимот, но засега е тоа добро вклопено.

Фудбалерот за врска Бесмир Бојку со максимален респект зборува за ривалот Работнички, но исто така се надева дека Струга ТЛ ќе ја продолжи победничката низа:

– Би било убаво да имаме „три од три“ после Работнички. По двете победи, атмосферата во тимот е одлична, работевме напорно изминативе неколку дена и го анализиравме Работнички. Не треба да се залажуваме, тие се одличен тим, со неколку навистина квалитетни индивидуалци, но и ние имаме верба во својот тим и посакуваме да ги освоиме трите бода. Ќе биде тежок натпревар, ќе дадеме се од себе и се надеваме дека со помошта од публиката ќе успееме да стигне до посакуваниот резултат – вели играчот на Струга Бојку.

Струга Трим Лум и Работнички ќе го отворат третото коло во Првата МФЛ со натпреварот в петок, со почеток од 17:00 часот на Градскиот стадион во Струга.

ПМФЛ: Работнички оди на „поправен испит“ во Струга

View this post on Instagram

A post shared by Fc Struga Trim & Lum (@fcstruga)