Во тешката сообраќајна несреќа што денеска се случи кај Сремска Митровица загинаа тројца луѓе, а повеќе од 80 се повредени. За „Блиц“ се огласи Миљан, сопруг на една од повредените жени од превртениот автобус.

„Мојата жена е тешко повредена. Повреден ѝ е колкот, не ја чувствува ниту раката ниту ногата. До неа седеше девојче од 19 години, врескаше и сè уште не знаеме во каква состојба е. Сопругата ми вели дека е тешко повредена. Многу долго постои проблем со овој превозник. Сите жени носат ќебиња и шалови за да се покријат бидејќи греењето не работи. Овде седеле 20 луѓе и сите зборувале дека со месеци се жалат на превозот. Кого јас сега да обвинувам, само да преживеат па ќе видиме што ќе правиме. Но фактот е дека овде е виновен директорот на претпријатието кое имало низа пропусти во работата“, раскажа тој.

Српското МВР соопшти дека се утврдени повеќе од 60 неправилности во работењето на овој автопревозник. Уапсен е возачот на автобусот.

Да потсетиме, на патот Сремска Митровица – Јарак денеска околу 14:45 часот се случи тешка сообраќајна несреќа во која загинаа тројца луѓе, а повеќе од 80 се повредени. Засега не е позната причината за несреќата, а истрагата е во тек.

ФОТО | Трагедија кај Сремска Митровица – автобус полн со работници се преврте, има загинати