Стоичков: Белингам не заслужи да биде избран за најдобар млад фудбалер
Oсвојувачот на „Златната топка“ во 1994 година Христо Стоичков го критикуваше изборот на „Тутоспорт“ Џуд Белингам да биде најдобар млад фудбалер.
Според бугарската фудбалска легенда, англискиот репрезентативец не ја заслужил наградата за најдобар млад фудбалер затоа што ништо не освоил со Борусија Дортмунд од каде што пристигна во Реал Мадрид.
„Белингам не ја заслужи наградата „Голден Бој“. Неспорно дека зборуваме за голем талент, има квалитет. Тој е комбинација на Ландруп, Кака и Погба од најдобрите денови. Ќе конкурира во иднина за „Златната топка“, но што освои минатата година со Борусија Дортмунд? Ништо. Според мене Мусиала од Баерн или Балде од Барселона требаше да ја освојат оваа награда. Тие имаа трофеи со своите клубови“, изјави Стоичков.
Ќе потсетиме, Белингам пред „Голден Бој“ наградата ја освои и наградата за најдобар млад фудбалер во годината која ја доделува „Франс Фудбал“.