Ранлива на британскиот сој е и помладата популација, вели д-р Стевановиќ, и додава дека специфичен лек за ковид-19 нема.

„Британски односно новиот сој, но за нас и не така нов, не само што побрзо се шири туку има потешка клиничка слика и за младата популација е ранлива. Болниците се полни. Специфичен лек нема, но умешност е трпеливото следење на пациентот. Се справуваме со потежок и поопасен вирус, со претходниот имавме поинакво искуство и веќе го научивме, но морам да кажам дека ковид-19 ќе биде сериозен предмет на Инфектологија. Дел од пациентите кои умираат не само што се помлади, туку немаат ни коморбидитети. Секако има и такви кои имаат коморбидитети, но не знаат, па ковид-10 само ќе ја влоши состојбата. Факт е дека пациентите сме ги добиле во исклучително здравствена, има и такви кои доцна доаѓаат, па има и нагло влошување на состојбата, но и смртен исход. За нас секој изгубен пациент е болка и неуспех. Незнаница е тоа што се случило со дел од пациентите, но ете, знаеме што се слушува како пациенти со хроничен дијабет, тромбоза…”, вели д-р Стевановиќ.

Таа повторно испрати апел да се почитуваат мерките, и вели дека високата температура порано не беше толку специфична, но сега таа постои и знае да трае со денови.

Во врска со настанот кога за викенд двајца пратеници дојдоа во Собранието заразени во скафандер, директорката вели дека ако биле во скафандер тогаш не биле извор на инфекција или зараза,

„Не можам да дискутирам во оваа дискусија, бидејќи настанот не ми е познат, но сметам дека пред законот сме секако исти. Но, задачата која ја работиме секако е различна”, истакна Стевановиќ.