„Стариот мој, како да сака да ме гушне…“: Игор Џамбазов сподели емотивни фотографии од родителите
Легендарниот диригент и композитор Александар Џамбазов почина на 25 јануари, на 85-годишна возраст. Со оддавање почит на неговиот лик и дело, се одржа и комеморација во чест на маестро Џамбазов.
Познатиот актер и шоумен Игор Џамбазов се прости од својот татко, а скршен од болка, сподели емотивна фотографија од комеморацијата, пишувајќи во описот: „Стариот мој… како да сака да ме гушне…“.
View this post on Instagram
Игор присетувајќи се на двајцата родители, Анче и Александар Џамбазови, сподели уште една емотивна фотографија, овојпат од нивната венчавка.
„За некои луѓе, смртта е само ваучер за во вечноста…“, напиша Игор покрај фотографијата.
View this post on Instagram
Александар Џамбазов е роден на 3 февруари 1936 година во село Стапар, Војводина. Музичка академија завршил во Белград, а целиот работен век го минал во Македонската радио-телевизија, како диригент на Танцовиот и Ревискиот оркестар. Има реализирано безброј снимки и концерти во живо, Настапувал во земјава и во странство. Добитник е на голем број стручни награди. Се категоризира во четвртата генерација македонски повоени композитори.
ФОТО | Љубовната приказна на Александар и Анче Џамбазови: Раскошни љубов и талент кои се паметат